Komela Cinîyanê Rojnamegeran, DÎSK û ÎHD yê Mersînî protestoyêk organîze kerd û kiştişê Nazim Daştan û Cîhan Bîlgin şermezar kerd.
Komela Cinîyanê Rojnamegeran, DÎSK û ÎHD yê Mersînî seba Rojnamegeran ke Sûrîye de ameyî kiştene protestoyêk viraşt. Protestoyî de rojnameyê ke xebera kiştişî ser o nusîyaybî, ameyî nîşandayene.
Hemşaredara Akdenîzî Nurîye Arslan, Parlementerê DEM Partî Ali Bozan û tayê rêxistinê bînî beşdarê vengdayîşê çapemenîye bîyî.
‘Hêrîşî heqîqetî ser o yê’
Serekê Komela Cinîyanê Rojnamegeran Fatoş Sarikaya Rojnamegeranê ke mintiqaya şerî de xebatanê xo kenê, înan ser o qisey kerd û va ke dewlete çîyêk nêvana û kesê ke reaksîyon nîşan danê, înan tepîşena.
Îqtîdar tahammul nêkeno
Rojnamegeran tesbît kerd ke hukmat tehamulê xeberan nêkeno û çîyo ke ganî hukmatî bikerdêne, ey nêkerdo. Sarikaya waşt ke ganî kiştişê rojnamegeran bêro tehqîqkerdiş û tepîştiş û girewtişê rojnamegeran bêrê vindarnayene.
DEM Partî zî beyanat da
Hemsereka Şaristanî ya DEM Partî Bedrîye Kuş zî va ke 5 serranê peyênan de mintiqa de Nagîhan Akarsel, Vedat Erdemcî, Nazim Daştan, Cîhan Bîlgin û bi desan Rojnamegerî ameyî kiştene. Aye waşt ke hukmat derheqê nê sucî de îzahat bido.
