Sazgehê Awe yê Kobanî eşkera kerd ke semedê birnayîşê elektrîkî 14 îstasyonê awa şimitene xizmet nêdano.
Ambargoyê Kobanî ser o dewam keno. Rîyê dorpêçkerdişê herême ra welatijî xeylê problemanê cuye reyde rî bi rî yê. Yew problemo sereke zî problemê çinbîyayîşê awe yo.
Sazgehê Awe yê Kobanî vernîya Şarederîya Şarî ya Kobanî de eşkerayîyêk daye. Eşkerayî hetê hemsereka Sazgehê Awe Zozan Xelîlî ra ameye wendene. Eşkerayî de ame vatene ke rîyê birnayîşê elektrîkî ra 14 îstasyonî awe nêxebetîyenê û nêzdîyê 20 rojî yo şaristanê Kobanî û dewê aye bêawe mendê. Ame dîyarkerdene ke na rewşe serê cuya 600 hezar kesî de tehluke virazena.
