Rîyê dorpêçê Kobanî ra bi temamî 572 dibistanî ameyê girewtene û 72 hezar wendekar û 4 hezar û 190 mamosteyî perwerdeyî ra bêpar mendê.
Dorpêçê çeteyanê HTŞ, DAIŞ û grûbanê paramîlîter ê girêdayeyê dewleta tirkan ê şaristanê Kobanî yê Rojavayê Kurdîstanî ser o roja 22. de dewam keno.
Pêlê hêrişan ê şaristanê Kobanî tesîrêko gird perwerdeyî ser o zî kerd. Kobanî û derûdorê ci yê girêdayeyê Kantonê Firatî (Eyn Îsa, Sirrîn, Çelebîye, Qinê, Şêran û dewe û şaristanokê girêdayeyê ci) bi temamî 72 hezar wendekarî heqê xo yê perwerdeyî ra bêpar mendê.
Wendekarê dibistanê seretayî, orte û amadehî, rîyê hêrişan ra nêeşkenê şêrê dibistan. Serdemo newe yê serra perwerdeyî 15ê çele de qedîya û ameyêne plankerdene ke serdemo dîyin 25ê çele de dest bikero. Labelê rîyê hêriş û dorpêçî ra xebatê perwerdeyî ameyê vindarnayene.
572 dibistanî bîyê sitargehê welatijan
Kobanî de pêroyê 572 dibistanî bi temamî ameyê vengkerdene û seba keyeyanê ke koçber bîyê sitargeh. Nêzdîyê 17 dibistanî girêdayeyê merkezê Kobanî seba keyeyanê ke Reqa, Tebqa û Eyn Îsa ra koç kerdo û welatijê ke Kampê Til El Semîn û Girê Spî cayanê xo ra meyê koçberkerdene, bîyê sitargeh. Dibistanan de êdî sinifî nê cayê mendişî est ê. Na rewşe binawanîya perwerdeyî bi temamî felc kerd.
