Komîteya Kar û Baranê Komelî yê Kantonê Firatî kombîyayîşêk çapemenî de dîyar kerd ke hetkarîya resena Kobanî semedê dorpêçî qîmê şarî nêkeno û waşt ke dorpêçê serê şaristanî bilez bêro wedaritene.
Komîteya Kar û Baranê Komelî ê Kantonê Firatî derheqê dorpêçê serê Kobanî de eşkerayîyêk da çapemenî. Eşkerayî hetê Hemserekê Komîte Ehmed Xocî ra ame wendene. Ehmed Xocî vîr vist ke dorpêçê serê Kobanî kewto roja 37î û beno sebebê krîzê merdimî. Ehmed Xocî ard ziwan ke bi des hezaran kesî Reqa, Tebqa û dorûverê Kobanî ver bi merkezê şaristanî koçber bîyê û naye xizmet, binawanî û rewşa merdimî zaf xirab bîya.
Vengdayîşê hîsgerîya neteweyî û mîyanneteweyî
Eşkerayî de ame dîyarkerdene hetkarîya ke resena şaristan qimê hewceyanê şarî nêkana. Ehmed Xocî dîyar kerd ke heqê heme keyeyan ê Kobanî û dorûverê aye esta ke hetkarîya muhîm e bigîro. Bê wedaritişê dorpêçî mumkun nîyo ke tena bi hetkarî lazimatîyê welatijan bêro cewabdayîşê û krîzê merdimî yê ke yeno ciwîyayîşî bêro derbas kerdene. Ehmed Xocî vengdayîşê pêroyî şarê kurdî û raya pêroyî yê mîyanneteweyî kerd ke vera na babete hîsgêrî bê.
