Kocaelî de hemserekê DEM Partî yê qeza zî tede 10 kesanê ke fotografê rojnamegeran Cîhan Bîlgîn û Nazim Daştanî yê ke ameyî qetilkerdene, hesabê xo yê medyaya sanale de pare kerdî ameyê destbendkerdene.
Qezaya Gebze ya Kocaelî de sereştişê keyeyan de Hemserekê DEM Partî yê Gebze Melîke Aydin û Omer Yildiz zî tede 10 kesî vizêr bi îdîaya endamîya rêxistine ameyê destbendkerdene û ê berdê Mudirîya Polîsan a Qezayî.
Dima ra hemserekê Gebze zî tede 7 kesî serbest veradîyayê, 3 kesî bi waştişê tepiştişî sewqê mehkeme bîyê. Mehkeme de 2 kesî bi şertê kontrolê edlîyî serbest veradîyayê. DEM Partîyij Serhat Ziyali bi îdîaya propagandaya rêxistine ame tepiştene.
Ame zanayene ke sebebê destbendkerdiş û tepiştişî kesan, parekerdişê fotografê rojnamegeran Cihane Bîlgîn û Nazim Daştanî yê ke Rojawan de ameyî qetilkerdene yo.
