Şirnex û Mêrdîn de bi pêşengîya TJA, DBP û DEM Partîye ser vengdayîşê ‘Aştî û Komelê Demokratîkî’ yê Rayverê Şarê Kurdî Abdullah Ocalan kombîyayîşî ameyî viraştiş.
TJA, DBP û DEM Partî derheqê vengdayîşê Aştî û Komelê Demokratîkî yê Rayverê Şarê Kurdî Abdullah Ocalan şaristanê Kurdistanê Vakurî û Tirkîya de kombîyayîşanê şarî da destpêkerdiş. Çarçiweya kombîyayîşan de qezayanê Cizîr, Hezexê yê Şirnexî û Mêrdînî de kombîyayîşanê şarî yê Aştî û Komelê Demokratîkî de ameyî viraştiş.
CIZÎR
Kombîyayîş Parka Botaşî ya taxa Nurî ya qezaya Cizîrî de ame viraştiş. Kombîyayîş de pankartê ‘Kombîyayîşanê Aştî û Komelê Demokratîkî” ame elaqnayîş. Kombîyayîş de nuşteyêk ame wendiş.
Nuşteyî de wina ameynî vatiş: “Ma senî ke Rojawan de şarê xo pawit, Rojhilat de zî rewşêka wina biqewîmo, hewna ma do şarê xo bipawî.”
HEZEX
Çarçiweya kombîyayîşan de Hezex de zî kombîyayîş ame viraştiş. Welatijan beşdarî kombîyayîş bîyî, ser pêvajo persanê ke meraq kerdî, diwanî ra persayî. Diwan zî ser pêvajo ercnayîş kerd.
MÊRDÎN
Mêrdîn de zî Şemrex, Dêrik, Mehsertê, Stewrê, Nisêbîn û Midyadê kombîyayîşanê şarî ameyî viraştiş.
