Komîsyonê Meclîsî ke çarçewaya prosesê Aştî û Komelê Demokratîkî de ameyo awankerdene, do roja çarşeme kombîyayîşê xo yê 12. bikero. Komîsyon do sazgehanê cigêrayîşan goşdarî bikero.
Komîsyonê Demokrasî, Waûbirayî û Piştîdayîşê Mîllî kombîyayîşê nê hewteyî dîyar kerd. Komîsyon do 24ê êlule roja çarşeme saete 11:00î de sazgehanê cigêrayîşan goşdarî bikero. Roniştişê yewin de SETA, DÎTAM, Cigêrayîşê Vinderte, Merkezê Cigêrayîşanê Kurdî (KSC) û Weqfa Cigêrayîş, Perwerde û Kulturî ya Ekopolîtîk (EKEAV) goşdarî bikero. Roniştişo diyîn de zî Enstîtuya Anqara, Merkezê Cigêrayîşanê Saha yê Sosyo-Sîyasî (SAHAM), Weqfa Cigêrayîşanê Polîtîkayanê Aborî ya Tirkîya (TEPAV) û Merkezê Cigêrayîşanê Rojhelatê Mîyanênî (ORSAM) do bêrê goşdarîkerdene.
