Gaxan roşanêko firaz o û zaf bawerî û kulturan de ca girewto. Komîsyonê Ziwan, Kultur û Hunerî yê DEM Partîye Roşanê Gaxanî hesabê xo yê X’î ser bi mesajêk Roşanê Gaxanî pîroz kerd
Kurdan mîyan de Kalo Gaxanî ra, ca bi ca, Gaxan, Gaxand, Gaxandê, gaxend, goxend, Kosegelî, Kalo, Sernewe û Sersal kî vajîno. Gaxan, Kurdanê Sunîyan mîyan de çiqas ke tayê cayan de bifirazîyo kî, tesîre Îslamîyetî û asîmîlasyonê dewlete ra sebeb çi hêf ke hema-hema bîyo vîndî.
Bi taybetî, Roşanê Gaxanî tewr zêdêrî Kurdanê Elewîyan mîyan de candar êna cûyene û fîraznayene. Gaxan, Kurdanê Elewîyan mîyan de 21ê Kanûne de dest keno ci. Gore tora, tayê cayan de hîre rojî rojê guretêne ra dima, mîyaz (pêsare) ê xo vila kene û dima kî gaxanê xo fîraznene. Gaxane peynîya hewteyê verênî yê aşma zimistanî çile de qedîna.
Komîsyonê Ziwan, Kultur û Hunerî yê DEM Partîye hesabê xo yê X’î ser bi mesajêkê Kirmanckî û Kurmancî Roşanê Gaxanî firaz kerd.
Bi Kirmanckî: “Roşanê ma yo Gaxanî bimbarek bo! Ma hêvî kenê ke no roşan seba şarê Kurdî rayîrê azadîye û xelesîye akero.”
Bi Kurmancî: “Cejna me ya Gaxanê pîroz be! Em hêvî dikin Cejna Gaxanê ji bo miletê Kurd rêya azadî û rizgariyê veke.”
