Komîsyonê Meclîsî ke seba meseleyê kurdî awan bîyo, taslakê raporo ke hetê grûba nuştişî ra ameyo amadekerdene, partîyanê sîyasî ke zereyê komîsyonî de ca gênê, înan rê erşawit.
Goreyê xebera Ajansê Mezopotamya yeno plankerdene ke metnê çarçewayî yê taslakî partîyanê sîyasî reyde ameyo parekerdene ke endamê Komîsyonî yê. Dima do binê banê Komîsyonî de bi hewayêko hîra bêro erjnayene û dimayê erjnayîşê partîyan û hemkarîya înan, do şeklo peyên seba raporî bêro amadekerdene. Ame vatene ke taslakê raporî partîyanê sîyasî rê ameyo pêşkêşkerdene.
