Komîteyêkê ewleyî û leşkerî Vakur û Rojhelatê Sûrîye ra şi Şam. Komîte do babetanê ewleyî û leşkerî ser o rayedaranê hukmatê demkî reyde bêro têhet.
Goreyê xebera ANHA’yî; komîte vizêr şand resayo Şam. Komîte endamanê Fermandarîta Pêroyî ya Hêzanê Sûrîya Demokratîk (HSD) Sozdar Hacî û Sîpan Hemo, Verfekê HSD’yî Ebcer Dawud û Fermandaranê HSD’yî ra Şakir Ereb, Fermandaranê Hêzanê Ewlekarîya Zereyî Dilêr Hisên Temo, Elî Xidir El Hesen, Mistefa Mehmûd Delî, Aho Êlyo Lehdo, cagira hemserekanê Heyetê Zereyî yê Vakur û Rojhelatê Sûrîye Arîn Mistefa ra yeno pê.
Endamê komîteyî do rayedaranê leşkerî û ewleyî yê wezaretê pawitiş û karanê zereyî yê hukmatê demkî yê Şamî reyde babetanê ewleyî û leşkerî ser o qisey bikerê.
Fermandarê Pêroyî yê Hêzanê Sûrîya Demokratîk (HSD) Mazlum Ebdî 11ê teşrîna verêne de roportajêkê Ronahî TV de dîyar kerdbi ke komîteyêkê leşkerî û ewleyî do demêko nêzdî de şêro Şam.
