Dîwanê Hemserekîye yê KONGRA- GEL’î Roşanê Qurbanî bimbarek kerd û vat: “Zîyaretanê roşanî de rojdemo bingeyî gerek vengdayîşo tarîxî yê Rayber Apoyî bi.”
Dîwanê Hemserekîye yê KONGRA- GELî bi wesîleya Roşanê Qurbanî mesajêk pare kerd û nê vatî:
“Ma Roşanê Qurbanî şarê xo û pêro alemê îslamî zerrî ra bimbarek kenê. Ma hêvî kenê ke no roşan bibo wesîleya famkerdiş û wayîvejîyayîşê vengdayîşê Aştîye û Komelê Demokratîkî yê Rayber Apoyî ke sey manifestoya seserra 21. yeno namekerdene.
Rayber Apoyî seba ke herinda şîdet û pêkewtişî de şertê têkoşînê demokratîkî bêrê pêardene no vengdayîşo tarîxî kerd. No vengdayîş sere de semedê şaranê Tirkîya firseto bêhempa yo la hema zî Serekkomar Recep Tayyip Erdoganî vera nê vengdayîşî gama pête nêeşeta. Reyna CHP zî na babete de rolê xo nêerd ca. Nê semedî ra hem wext beno vîn hem zî zemînê provokasyonan abeno.
Xebatê nê prosesê tarîxîyî çew nêeşkeno sîyasetê hesabê îqtîdarî yê hukmatê AKPyî rê biverdo. Heme hetê ke aştîye, demokrasi û azadîye wazenê wayîrê esasî yê nê prosesî yê. Gerek rayapêroyîye şiro partîyanê sîyasîyan ser meclîs têbigêro. Roşnvîr, hetê akademîkî, dezgehê komelê sîvîlî, sendîkayî, rojnamegerî, rêxistinê cinîyan, wendekarî gerek xebatanê “înşayê aştîye û komelê demokratîkî” rê serkêşîye bikerî.
Zîyaretê Roşanê Qurbanî semedê nê firsetêk o. Zîyaretanê roşanî de rojdemo bingeyî gerek vengdayîşo tarîxî yê Rayber Apoyî bi.Gerek ma pêro pîya semedê averşîyayîşê têkoşînê komelê demokratîkî bixebitê. Sere de azadîya Rayber Apoyî aştîye û demokrasi pabesteyê nê yê.”
