Kongreya Amerîkayî bi rojevê pawitişê heqanê kurdan kom bena. Foza Yûsif derheqê babete de eşkerayî daye û vist vîr ke senato do qanûnêkê pawitişê kurdan ser o qisey bikero û ganî heme kurdî destek bidê nê waştişî.
Kongreya Amerîkayî ewro 10ê sibate bi rojevê qanûnê pawitişê heqanê kurdanê Rojavayê Kurdîstanî kom bena. Yeno pawitene ke kongre de qanûnê pawitişê heqanê kurdan ser o munaqeşa bêra kerdene û do dîyar bibo ke kongre de kamcîn qerarî bêrê girewtene.
Endama Konseya Hemserekîya Partîya Yewîya Demokratîk (PYD) Foza Yûsif derheqê kombîyayîşê kongre de ke do pawitişê heqanê kurdan ser o zî munaqeşeyî bêrê kerdene, hesabê xo yê X’î ser o eşkerayîyêk daye.
‘Ganî heme kurdî destek bidê’
Foza Yûsif eşkerayîya xo de wina vat: “Seba pawitişî, no serê sibayî senatoyê Amerîkayî de derheqê qanûnêkê seba pawitişê heqanê kurdan de bêro qiseykerdene. Ganî kurdî heme destek bidê nê waştişî. Ganî êdî qirkerdişê kurdan na cografya de bêrê qedînayene.”
Wexto ke hêrişê qirkerdişî yê vera Rojavayê Kurdîstanî dewam kerdêne, senatoro Amerîkayij Lindsey Graham vera hêrişan nerazîbîyayîşê xo mojna û pêşnîyaznameyêk pêşkêşê kongre kerdbi ke heqê kurdanê Rojava bêrê pawitene.
