Gerîlayanê Azadîye yê Kurdîstanî bi wesîleya Roşanê Newroze Herêmanê Pawitişî yê Medya de aktîvîteyî organîze kerdî û bi coşê girdî Newroze pîroz kerd.
Herêmanê Pawitişî yê Medya şayîyê biheybetî yê Newroze dewam kenê. Aktîvîteya Newroze de gerîlayan roşanê yewbînan pîroz kerd. Fermandaranê HPG ra Amed Malazgîrd, Seyîtxan Dersîm, Mahîr Serhed, Sîdar Heştanîn û Raperîne Engîzek tewrê şayîye bîyî.
Badê şayîye Amed Malazgîrdî bi yadkerdişê şehîdan dest bi qiseykerdişî kerd. Malazgîrtî bale ante manaya tarîxî ya Newroze ser û vat Newroze têna roşan nîyo, eynî wextî de sembolê xoverdayîş û azadîye yo.
Badê kombîyayîşî gerîlayan pîya bi fermandaranê xo adirê Newroze kerd we û dormeyê ci de govende girewt.
Koma Awazê Çiya zî bi deyîranê xo tewrê şayîye bîye û Newroze koyanê Kurdîstanî de coşê Newroze xurtêr kerd.
