Dewa Melî de kulturê 300 serran ke welatijê herême tira vanê ‘Tamtamûk’ bi beşdarîya seyan kesan ame kerdene.
Şaristanokê Dewa Melî ya Şirnex de kulturê Tamtamûkî 300 serrî yo yeno kerdene. No kultur serranê verênan de demo ke welatijê şaristanî koçerî ra agêrayêne seba şîyayîşê goristanan werdêko komun reyde ameyêne kerdene. Her çend nika şaristanokî de koçerî nêmendba zî welatijê herême her serre pancşema yewin ya aşma teşrîna verêne de nê kulturî domnenê. Emserr zî bi beşdarîya hemşaredaranê şarisstanokî, rayberanê DEM Partî û DBP’yî yê Şirnexî û seyan welatijan kulturê Tamtamûkî ame kerdene.
Welatijê serê sibayî rew derûdorê zîyaretî de ameyê têhet, bi hewayêko hempar dest bi viraştişê werdî kerd û şîyê zîyaretê goristanî. Zîyaretê goristanî ra pey kesê ke beşdarê kulturê Tamtanûkî bîyê, pîya sifreyanê werdî ser o ameyê têhet.
