Platformê Yewîya Cinîyan ê Kurdan hişyarîye daye ke bi hêrişanê Suwêda xîret yeno kerdene ke verê hêrişanê serê Rojawanî bêro akerdene. Platformî vat: “Kurdan ser o hesabanê şaşan mekerê.”
Platformê Yewîya Cinîyan ê Kurdan bi eşkerayîyêke hêrişê hukmatê Şamî yê vera durzîyanê Suwêda şermezar kerdî. Eşkerayîye wina ya:
“Rewşa Kurdîstanê îşxalkerdeyî sebeba şer û faşîzmê dewletanê serdestan a. Coka çareserîya meseleya kurdan û tewirê sîyasetê kurdan haştîye ya. Rixmê israrê haştîye yê kurdan dewletê îşxalkerî bi taktîkî nêzdîyê tewirê çareserîye û haştîye benê. Wexto ke firsendî vînenê hêrişanê faşîzanan danê destpêkerdene. Na çarçewa de bi hêrişanê Suwêda xîret yeno kerdene ke verê hêrişanê serê Rojawanî bêro akerdene. Kurdan ser o tehluke yeno ferzkerdene.
Ma venga pêro hêzan danê ke kurdan ser o hesabanê şaşan û têgêrayîşanê taktîkwarîyan mekerê. Ganî kurdî seba pûçkerdişê tehlukeyan yewîya xo awan bijerê. Ma venga pêro cinîyan ê kurdan û hêzanê kurdan zî danê ke Kongreya Yewîya Kurdan awan bikerê.
Ma hêrişanê vera durzîyan şermezar kenê û veng danê ke heqê şaran bi sîstemê xoserî bêrê qebulkerdene. Sîyasetê kurdan zî ganî hinî yewîya xo awan bikerê. Ma vera hêrişan sey cinîyan ê kurdan do tim têkoşîn bikerê û venga pêro kesan zî danê ke tewrê nê têkoşînî bibê.”
