TJA, DBP û DEM Partî dewa Bernîşt û Tizyanî ya Artukluya Mardinî de kombîyayîşê şarî kerdê. Kombîyayîşan de beşdaranê kombîyayîşî dîyar kerd ke ê Serekê xo ra bawer ê.
Pêşengîya TJA, DBP, DEM Partî û rêxistinê komelkî de xeylê şaristananê Kurdîstanî de kombîyayîşê şarî yenê kerdene. Kombîyayîşî bi nameyê “Kombîyayîşê Aştî û Komelê Demokratîkî” yenê kerdene. Çarçewaya nê kombîyayîşan de dewanê Bernişt û Tizyan ê girêdayeyê qezaya Artuklu ya Mardînî de zî kombîyayîşî ameyê kerdene. Şar eleqeyêko pîl nîşanê kombîyayîşan da. Kombîyayîşan de zafbîyayîşê cinî, ciwan, dayîk, gede û extîyaran bale ant perspektîfê Rayberê Şarê Kurdî Abdullah Ocalanî ser o û berpirsîyarîyê ke kewenê milê şar, cinî û ciwanan.
Kombîyayîşî de beşdaran zî erjanyîşî kerdê û dîyar kerd ke bawerîya înan bi Rayberê înan est a. Beşdaran îfade kerd ke Rayberê Şarê Kurdî s evajo o yo: “Ma peyê vastişê serekê xo yê û ma ey ra bawer ê. Heta peynî ma serekê xo reyde yê. Çi bikewo milanê ma ser o, ma amade yê.”
Kombîyayîşî bi sloganan qedîyayê.
