Sevîm Saglam a ke nika Dêrsim de weşîya xo ramnena, behsê prosesê surgunkerdişê keyeyê xo kena û vana: “Cinîyanê Dêrsimî bêdeje roştîye nêdîya.”
Sevîm Saglam, weşîya xo zereyê Dêrsim de ramnena. Cinîyêka karker a. 38î ra tepîya heme keyeyê aye surgunê Gimgimî ameyo kerdene. Serran ra pey reyna agêrayê Dêrsim. Pîrîka xo, 38î de xeylê dej û heşîrîye dîya. Sevîm Saglam ma rê behsê, dejo ke cinîyanê Dêrsimij 38î ra tepîya dîyo, kerd.
‘Heq zano cinîyanê ma 38î ra pey çi heşîrîye dîya’
Sevîm Saglam wina dest bi qiseykerdişê xo kena: “Surgunê 38î de, mayê mi, pîye mi, kalîk û pîrika mi pêrûne rusnayê Gimgim. Ez û hema doman bîya, pîrika mi mî rê va ke, ma Dêrsim ra ameyîme. Welatê ma Dêrsim o. 38î de ma qir kerdîme. Verê çimê mi de pîrika mi, wayê mi kîştê. Cinîkanê ma, dergûşanê ma, pero berdê sere koyê de eştê awe. Çenek, wayî, mayê ma zaf heşîrîye dîme. Vengê domananê xo pêsna ke, sare ma perûne pîya qir mekerê. Cinîkane ma, 38î ra heta nika çi heşîrîye dîya, heq zano. Heme kî ma kîsene, qir kenê. Dewe de sarê ma, cinîkane ma, dewijanê ma zaf dez dî. Kokimanê ma vatêne ke, wayîrê welatê xo vejîyê, wayîrê jarê xo vejîyê. Ma ameyîme nê wextî, hema zî ûncenîme, heşîrîye vînenîme.”
‘Ma ra ver pîrîkanê ma, mayanê ma heşîrîye dîye, nika kî ma vînenîme’
Sevîm Saglam, qiseykerdişê xo de dîyar kerd ke nika heşîrîya cinîyanê ma zaf a, nêverdanê ma qisey bikerîme, nêverdanê rayê xo de şîrîme û wina vat: “Ma cinî çira hende bêkes manenê. Ma cinî jubînî rê wayîr vejîme, wext wextê ra xirabin o. Ju ca de gurîyenîme, têverderîme, zerederîme, çike ma keme ke hende cinî ça kîsene. Ê ke ma kisenê, ma rê bîye. Nika domanê ma kisenê, endî bes o. Vanîme ke kes mêro kiştene. Cinî qom kenê wes, cinî ware kenê wes, cinî her cayî kenê wes.
‘Mayê ma çitikê xo eştê hard û vat ke wa kes mekîşîyo’
Saglam, peynîya qiseykerdişê xo wina ard: “Endî asteyê ma bîyê huşk, naye ra tepîya gonî nêrişîya. Çêneka mi aştîya waştêne şî harde şayê. Mayê ma vanê ke, ma çitikê xo erzeme hard ke kes mekîşîyo. Hende zar û zêçê ma şî hardî naye ra tepîya beso vame. Ez û çêneka xo cinîyan reyde bêrê telewe, haştîye vazîme, raştîya xo rê wayîr vejîme.”
