DBPî, serrgêra Qirkerdişê Armenîyan ser o, hesabê xo yê X’î mesajêk pare kerd. Mesaj de ame vatiş ke 24ê Nîsana 1915î de serrgêra Qirkerdişê Armenîyan de, ê wazenî ke heme raştîyan bivejo werte û no ser zî şerto ke no qirkerdiş reyde rî bi bêro ameyîş.
Partîya Herêman ê Demokratîke serrgêra Qirkerdişê Armenîyan ser o, hesabê xo yê X’î mesajêk bar kerd.
Mesajê DBPî wina yo:
“24ê Nîsana 1925î de 235 roşnvîr, hunermend, muzîsyen û wekîlanê şarê armenî, bi zorî keyeyanê xo ra ameyî destbendkerdiş, peynî zî bi sehezaran armenî ameyî koçkerdiş û ameyî qetilkerdiş. No qirkerdişî ser o zî 110 serrî vîyart. Partîya Îttîhat û Terakkî bi zîhnîyetê yewperestî no qirkerdiş îcra kerd û no qirkerdiş bi deserran ke zerrîya ma de dejêka gird verada û na dej zerrîya ma de hema zî domyena.
Tarîxî ra nika nêwaştî, trajeyîya merdimeyî reyde rî bi rî bêrê, hetta ferasetê îttîhatkaran ra wayîr vejyayê û xela dayê înan rê. Na politikaya înkar û qirker na seserra ke domyena, nasname û bawerîyan ser o ame tatbîkkerdiş. Kurd, suryanî, rum, elewî û sewbî şaranê kêmanî marûzê sîyasetê qirkerdişî mendî.
Ma heqîqetî ser o qise bikerî
Cografya ma de zafbawerî û zafrengînî sey mîras qebul nêkerdî, çi heyfo ke sey gefêk girewtî verçiman. No zî polîtîkayanê xo yê înkar û îmhayî ra zemînêk kerdî, netîceyê na polîtîka de zî surgunkerdiş, asîmîlasyon û qirkerdişî pê ameyî. Dewletê netewî, nasname, bawerî, mezhebê şaran xo rê sey heqeretêk û telûke esas gênî. Ganî ma ewro heqîqetîya zafrengînî û zafbawerî ser o qise bikerî û wayîr bivejî.
Na heqîqet, înşakerdişê ameyoxê demokratîk, azad û seypêyî de xercêko binkey o. Dewleta netewî, wazena zîhîyetêko yewperest awan bika, no ser zî ma vanî ke no qirkerdiş reyde rî bi rî bêrê.
Ma nêwazenî dejanê winayin bêrê cuyayîş
Na çarçiwe de 24ê Nîsana 1915î de serrgêra Qirkerdişê Armenîyan de, ma wazenî ke heme raştîyan bivejo werte û no ser zî şerto ke no qirkerdiş reyde rî bi bêrê. Seba no zî têkoşînê ma do her tim bidomyo. Ma deja şarê armenî bar kenî, ma nêwazenî dejanê winayin hewna bêrê cuyayîş û ma veng danî her kesî ra bêrê verpirsîyarî bigê.
