Dayîka Aştîye Havva Kiran eşkerayîya çapemenîye de derheqê “Prosesê Aştî û Komelê Demokratîkî” Amed de qisey kerd û dîyar kerd ke ê wazenê Rayberê Şarê Kurdî Abdullah Ocalanî reyde pêvînayîş bikerê û semedo ke waştişê înan ca bîyarê veng da.
Meclîsê Dayîkanê Aştîye derheqê “Prosesê Aştî û Komelê Demokratîkî” de eşkerayîye da çapemenîye. Xeylêk dayîkê aştîye beşdarê eşkerayîye bî ke awanîya şubeyê Komeleya Heqê Merdiman (ÎHD) yê Amedî pê ame. Havva Kiran nameyê Dayîkanê Aştîye ser o qisey kerd.
‘Ma wazenê Abdullah Ocalan dir pêvînayîş bikerê’
Havva Kiran wina va: “Prosesê aştî şeş aşmî yo dewam keno. Sey Dayîkê Aştîye, ma wazenê Birêz Ocalanî dir pêvînayîş bikerê. 25 serrî yo, ma semedê pêvînayîşî ey dir kerra serê kerra de nêverdayo. Ma spasîyê her kesî kenê ke beşdarê nê prosesî bîyê. Sey Dayîkê Aştîye, ma wazenê ke ma bieşkerê Birêz Abdullah Ocalanî dir pêvînayîş bikerê. No heqê dayîkan o, semedo ke tutê ma semedê na dewa şer kerdî. Ma venga dewlete kene; eke prosesêk aştîye dest pêkerdibî, ganî vengê nê teyareyan bêro birnayîş. Ma wazenê aştîyêke mende Rojhelatê Mîyanên û temamê dinya pê bêro. No waştiş tena semedê ma nê, la semedê şarê Filistînî zî derbaz beno. No zî binê şert û mercê zaf xidar de semedê cuye têkoşîn kenê.”
Tewr peyîn rojnamegeran dayîkan ra persê, “Şima do semedê pêvînayîşê Abdullah Ocalanî dir muracatê Wezareta Edaletî bikerê?” kerd û dayîkan cewab da û vatî, “Ma do bikerê.”
