Temsîlkarê Heyetê Rojavayê Kurdîstanî Mazlum Ebdî û Îlham Ehmed endamanê Kongreya Amerîka reyde ameyê têhet û Rojava û Sûrîye ser o munaqeşeyî kerdê.
Fermandarê Pêroyî yê Hêzanê Sûrîya Demokratîk (HSD) Mazlum Ebdî û Hemsereka Dayîreyê Têkilîyanê Teberî ya Rojavayê Kurdîstanî Îlham Ehmed ke beşdarê Konferansê Ewleyî yê Munîhî bîyê, pêvînayîşanê xo yê temsîlkar, serek û rayberanê welatî reyde domnenê.
Mazlum Ebdî û Îlham Ehmed odayêka konferansî de endamanê Kongreya Amerîkayî reyde ameyê têhet û ame zanayene ke hedîseyanê Rojava û Sûrîye ser o qiseykerdiş û muanqeşeyî kerdê. Kombîyayîşî de Wezîrê Karanê Teberî yê Sûrîye Muhammed Hesen Şeybanî zî amade bi.
Sewbîna, Mazlum Ebdî û Îlham Ehmed konferansî de Serekkomaro verên ê Îraqî û Komîsero Berz ê Koçberan ê Neteweyanê Yewbîyayeyn Berhem Salih reyde zî pêvînayîş kerd.
Mazlum Ebdî û Îlham Ehmed vizêr şand Wezîrê Karanê Teberî yê Amerîkayî Marco Robio û Serekkomarê Fransayî Emmaneul Macronî reyde zî pêvînayîş kerdbi.
