Ame vatene ke Fermandarê Pêroyî yê HSD’yî Mazlum Ebdî seba ke beşdarê Konferansê Ewlekarî yê Munchenî yo 62. bibo, resayo Almanya.
Goreyê xebera Nûmedya24î Fermandarê Pêroyî yê Hêzanê Sûrîya Damokratîke (HSD) Mazlum Ebdî û Hemsereka Dayîreyê Têkilîyanê Teberî yê Rayberîya Xoser a Vakur û Rojhelatê Sûrîye Îlham Ehmed do beşdarê konferansî bibê ke platformanê tewr muhîm ê ewleyî yê dinya ra yew o. Ame dîyarkerdene ke her di rayedarê Vakur û Rojhelatê Sûrîye nika Almanya de yê.
120 welatan ra zafêrê 120 hezar qiseykerdoxî do beşdarê konferansî benê. Zafêrê 60 serekê dewlet û hukmatan do konferans de amade bibê.
Goreyê xebere yeno pawitene ke Ebdî, çarçewaya konferansî de Wezîrê Karanê Teberî yê Hukmatê Şamî Esad Şeybanî reyde pêvînayîş bikero. Yeno vatene ke no pêvînayîş peymana 29ê çeleyî ya mabênê HSD û Rayberîya Şamî ya demkî de pêvînayîşê destpêkî yo asta tewr berz de yo.
