Fermandarê Pêroyî yê HSD’yî Mazlum Ebdî û Hemsereka Dayîreyê Têkilîyanê Teberî Îlham Ehmed Munîh de Wezîrê Karênê Teberî yê Amerîka Marco Rubio reyde ameyê têhet.
Fermandarê Pêroyî yê Hêzanê Sûrîya Demokratîke (HSD) Mazlum Ebdî û Hemsereka Dayîreyê Têkilîyanê Teberî ya Rayberîya Xosere Îlham Ehmed, Wezîrê Karênê Teberî yê Amerîka Marco Rubio reyde ameyê têhet. No têhetameyîş çarçewaya Konferansê Ewleyî yê Munîhî yo 62. de ame kerdene.
Ame zanayene ke kombîyayîşî de peymana mabênê HSD û Hukmatê Demkî yê Şamî de, rewşa Sûrîye bi pêroyî bi taybetî zî rewşa Rojava ameya munaqeşakerdene.
