Meclîsê Cinîyanê Sûrîye dîyar kerd ke Kongreya Neteweyî ya Sûrîye ke Şam de ameya kerdene meşrû nîya û ê do qerarê ke ameyê girewtene, qebul nêkerê.
Meclîsê Cinîyanê Sûrîye derheqê ‘Kongreya Dîyalogê Niştîmanî’ de ke vizêr Şam de ameye kerdene, beyanatêk da û fikarê xo yê derheqê senaryoya rejîmo rijnaye ya ancî de ardî ziwan.
Meclîs beyanatê xo de wina dîyar kerd: “Ma sey Meclîsê Cinîyanê Sûrîye heme çîyê ke netîceya kongreya ke xebatê ci bi zîhnîyeto dûrfînayîş, înkar û qebulnêkerdişî ra yenê pê, red kenê.
Ma cinîyê Sûrîye seba ke Sûrîye aver berê û bi hewayêko bi rûmet biciwîyê, ma xover da. Ma do seba rewşa Sûriye ya ke meşrû nîya, nêbê amûr. Na kongre verê ke bêra kerdene, merd bîye. Şarê Sûrîye û bi taybetî cinîyê Sûrîye do reyna xoradayîşê kincê zilmî qebul nêkerê.”
