Mesrur Barzanî hêrişê vera Helebî sey hêrişê “qirkerdişê etnîkî” erjnayê û vengda Şamî ke rayberîya demokratîke awan bikero.
Serekwezîrê Herêma Federe ya Kurdîstanî Mesrur Barzanî îfade kerd ke hêrişê Helebî bi amancê “Qirkerdişê etnîkî” yenê kerdene û vat ke teda seba problemî çareserîyêka domdare nêvirazena.
Eşkerayîya Mesrur Barzanî hetê Rayberîya Hukmatê Herêma Federe ya Kurdîstanî ra ameye parekerdene. Mesrur Barzanî bale ant tehlukeya cuya sîvîlan ser o û vat: “Hedîseyê Helebî û hedefgirewtişê kurdan ê seba bedilîyayîşê demografîya herême û awankerdişê tehdîtê cuya sîvîlan ser o, berpirsê Şamî û wijdanê komelê mîyanneteweyî keno binê persî.”
Barzanîyî dîyar kerd ke hêrişê taxanê kurdan ê Helebî înan dekeno mîyanê fikaranê gird û vat: “Şer û teda bi hewayêko bingeyîn tu problemî çareser nêkenê. Ganî tu baxane rayîr nêdo qirkerdişê etnîkî.” Barzanîyî vengda heme hetan û wina vat: “Berpirsîyarî bigîrê, cuya sîvîlan bipawê û seba çareserî beşdarê dîyalogî bibê.”
Barzanîyî îfade kerd ke ê hêvî kenê ke awanîya rayberîya nikayîn a Sûrîye seba heme şaranê Sûrîye daraxê berpirsîyarîya rayberîyêka demokrat û yewîye têbigêra.
