Mudirîyetê Meteorolojîyê peroyî yê Dîyarbekirî eşkera kerd, peynî hewteyî de îhtîmal est o ke germinî 20 derece bikewo binê sifirî. Amed de mîyanê di rojan de bêmabên varayîşê vewre ra dima germinîya hewayî heta 9 dereceyî kewte binê sifirî.
Semedê cemed girewtene ra peroyê şaristanî de astengîyê resî ciwîya. Meydanê teyaranê Amedî de heme firayîşê teyaran ewro ameyê betalkerdene. Varayîşê vewre ra dima şaristanê Amedî de zaf cayan de cemed û qeşa virazîya, tesîrêko negatîf cuye ser o kerd. Erebeyî cehde û kuçeyan de binê vewre de mendîbi rayîrî zi agêrayê pîstê cemedî û şoferan averşîyayîş de zehmetî ante. Tayê erebeyî rayîr de mendî, resî mîyanê şaristanî de astengî virazîya.
Meteorolojî ra îqazê -20 dereceyî
Germinîya hewayî ke 9 dereceyî kewtbî binê sifirî, Dîyarbekir de Mudirîyetê Meteorolojî peynî hewteyî germinîya hewayî îhtîmal est o ke heta 20 dereceyî zî biko binê sifirî. Meteorolojî îqaz kerd û vat: “Pêroyî heremî de rewşa hewayî zaf hewrin û bi mabên vewre vareyena, ca ca varan û vewre têmîyan de do bivaro. Naye ra teber pêroyê hereme de yeno taxmînkerdene ke cemidîyayîş û qeşa virazîyo. Germinîya hewayî binê adetî mewsîmî ra domnayeno. Va hetê vakûr û rojawanî ro şenik û orte qewetin, rey rey zî zaf qewetin do bêro.”
