Ahmet Erçîlo 12 serre ke vizêrî kewtbi Çemê Dîcleyî û xeniqyabi, meyîtê ey ame vînayîş.
Vizêrî qezaya Cizîrî ya Şirnexî de amebî îdiakerdiş ke Ahmet Erçîlo 12 serre, demo ke waşto şimikanê xo bigîro, çem de xeniqîyayo. Dimayê agahdarkerdişî ekîbê îtfaîye yê Şaredarîya Cizîrî şîyê cayo ke hedîse qewimîyaye û seba ke gedeyî bivînê, bêmabên dest bi cigêrayîşî kerdbî. Peynîya xebatanê cigêrayîşî de ewro serê sibayî meyîtê Ahmet Erçîlî ame vînayîş.
Meyîtê Ahmet Erçîlî dimayê cigêrayîşê dozgerîye, semedê otopsî berd morgê Nêweşxaneyê Dewlete yê Cizîrî.
