Fermandarê Pêroyî yê HSDî Mazlum Ebdî dîyar kerd ke Minbicî de adirbest ameyo viraştiş û wina vat: “Armancê ma no yo ke ma adirbestî pêroyîya herra Surîyeyî de pê bîyarê û seba ameyoxê welatî bikewê mîyanê pêvajoyêka sîyasîye.”
Fermandarê Pêroyî yê Hêzê Surîye yê Demokratîke (HSD) Mazlum Ebdî heqê Minbicî ke bînê hêrişê Dewleta Tirk û koma a ya paramîlîter SMOyî de yo, beyanat da. Ebdî, ser hesabê xo yê platformê Xî de vat ke Minbicî de adirbest ameyo viraştiş.
Fermandar Mazlum Ebdî wina domna: “Demo ke bajarê Minbicî de xoverdayişê şervanê ma seba vindernayişê herakerdişî yê hêrişê Rojawanê Firatî verdewam de, bi mîyankewtişê Amerîkayî seba ewlehî û pawitişê sivîlan adirbest pê ameyo. Şervanê Meclîsî yê Lejkerî yê Minbicî ke 27ê Teşrîne de verba hêrişê xover danê, do demêko kilm de herêmî ra biancê.”
Armancê înan o yo ke ê adirbest pêroyîya herraya Surîyeyî de pê bîyarê û seba ameyoxê welatî bikewê mîyanê pêvajoya sîyasîye.
