MKG: Aşma gulane de 9 rojnamegerê cinî tepişte bîyî

MKG’yî raporê binpaykerdişê heqanê rojnamegeranê cinîyan ê aşma gulane de ke dîyar kerd, rojnamegerî reya bîne wexto ke xeberî taqîb kerdêne ameyî tehdîdkerdiş, derbkerdiş û astengîyanê fîzîkîyan reyde rî bi rî mendî.

Komela Rojnamegeranê Cinîyan ê Mezopotamyayî (MKG) raporê binpaykerdişê heqanê rojnamegeranê cinîyan ê aşma gulane eşkera kerd û wina vat: “Goreyê raporê aşma gulane zext û zordestîyê çapemenî ser o dewam kerdê û goreyê raporî aşma gulane de 9 rojnamegerî zîndanan de heqê xo yo azadîye ra bêpar ameyê veradayîş. Nê hêrişê ke aşma gulane de ma şahidîya înan kerda, îspat keno ke rojnamegerî bêveng nêmanenê û do hemverê her tedayan de qelema xo tewr zêde hêzdar bikerê.”

Daneyê raporê binpaykerdişê heqanê rojnamegeran ê aşma gulana 2025î wina yo:

1) Binpaykerdişê heqê asayîş û heqê cuye yê rojnamegeran

Yê ke înan ra hêriş ameyo kerdiş 2 rojnamegerî

Weşan 1

Rojnamegerî ke ameyî destbendkerdiş 1

Rojnamegerî ke ameyî tepiştiş 1

Rojnamegerî ke semedê îfadeyî venga înan dîya 5

Rojnamegerî ke mûameleyê nêbaşî dir rî bi rî mendî 2

Rojnamegerî ke tehdîd înan rê ame kerdiş 2

Rojnamegerî ke taqîbkerdişê înan ê xeberan ame astengkerdiş  1

Lîsteyê rojnamegeranê tepişteyan 

1. Elîf Akgul – Rojnameger
2. Elîf Ersoy – Berpirsîyara Karanê Nuşteyî yê Kovara Yuruyuş
3. Hatîce Duman – Mudura Karanê Nuşteyî û Wayîrê Rojnameyê Atilimî
4. Ozden Kinik – Xebatkara TRT’yî ya verênî
5. Perîhan Erkilinç – Mûxabîra Ozgur Gelecek
6. Rahîme Karvar – Rojnamegere
7. Reyhan Hacioglu – Rojnameya Yenî Yaşamî
8. Songul Yucel – Mudura Weşanê Pêroyî yê Kovara Onsozî
9. Zuleyha Muldur – Ajansê Xeberanê Etkinî