Muracatanê seba weçînayîşê îmtîhanê Tîyatroyê Şaristanî yê Şaredarîya Amedî ya Şaristanê Girdî (DBŞT) dest pêkerd.
Seba girewtişê 23 kaykerdoxanê stajyeran û 3 bicaardoxanê sehneyî yê stajyeran ke do Şefîya Tîyatro de ke binê Serekîya Daîreya Kulturî û Karanê Komelkî ya Şaredarîya Amedî ya Şaristanê Girdî de çalakîyanê xo dewam kena, bêrê wezîfedarkerdene, îmtîhan do bêro kerdene. Muracatê îmtîhananê ke do 27-28ê Kanûne de bêrê kerdene, 10ê Kanûne saete 08.00î de dest pêkenê û do 24ê Kanûne saete 17.00î de biqedîyê.
Ganî dosyaya muracatê beşdaran de tewr zêde di pelî CVyêk, 2 hebî fotoyî, suretê nasnameyî, suretê dîplomaya noterkerdîye û raporê weşîye bibê.
Muracatî, bi posta yan zî onlayn eşkenê bêrê kerdene.
Muracatê bi posta, adresa “Merkezê Kulturî û Kongre yê Sezaî Karakoçî, Taxa Yenîşehîrî, Cadeyê Îstasyonî No: 65” ra, muracatê onlaynî zî lînkê isbasvuru.diyarbakir.bel.tr ra eşkenê bêrê kerdene.
