Muxabîra fotoyan Fatîma Hassouna û keyeyê aye ra cinî û gedeyî zî tede 10 kesî Zîvala Xeza de hêrişê hewayî de cuya xo vîndî kerde.
Hêrişanê Îsraîlî yê vera Zîvala Xezayî de çimanê heme dinyayî de dewam kenê. Cinî, gedeyî û extîyarî yenê hedefgirewtene û kiştene.
Muxabîra fotoyan Fatîma Hassouna saetanê serê sibayî de keyeyê xo reyde cayo ke tede mendêne, encamê hedefgirewtişî keyeyî de cuya xo vîndî kerde. Fatîma Hassouna hetî de cinî û gedeyî zî de 10 endamanê keyeyî cuya xo vîndî kerde. No qetlîamê Îsraîlî sey binpaykerdişê heqanê vera sîvîlanê bêçek û rojnamegeran kewt qeydan.
Fatîma Hassouna hêrişanê Îsraîlê de ke 7ê teşrîva verêne ya 2023î ra heta nika dewam kenê, suc û binpaykerdişê ke vera şarî yenê kerdene, hewl da ke bi objektîfê xo belge bika. A bîye sembola vengê mexdûranê Xezayî û belgekerdişê dejanê ke qet nêqedîyenê. Fatîma Hassouna seba rastîye biresna şarî, her tim çeperanê vernî de ca girewt, rijîyayîşê keyeyan û şaristanî belge kerd, tesîrê bombardumanî taqîb kerdê, rîyê ke şer û dorpêçî ra eciz bîyê nîşanê dinya dayî.
