Nameyê kesanê ke do siba şêrê Îmrali dîyar bîyê. Ahmet Turk, Tuncer Bakirhan, Tulay Hatimogûllari, Pervîn Buldan, Sirri Sureyya Onder, Cengîz Çîçek û Faîk Ozgur Erol heyetî de ca gênê.
Heyetê DEM Partî yê Îmraliyî seba ke reya hîrêyin Rayberê PKK’yî Abdullah Ocalanî reyde pêvînayîş bikero, murcaatê Wezaretê Edeletî kerdbi. Wezaretê Edeletî muracaatî qebul kerd.
Buroyê Çapemenîyî yê DEM Partî melumatêko newe vila kerd û nameyê kesanê ke heyetî de ca gênê, eşkera kerdî. Nameyê kesan ke Heyetê DEM Partî yê Îmrali de ca gênê, wina yê: Sîyasetmedarê kurd Ahmet Turk, Hemserekê Pêroyî yê DEM Partî Tuncer Bakirhan û Tulay Hatimogûllari, parlamenterê DEM Partî Pervîn Buldan, Sirri Sureyya Onder, Cengîz Çîçek û endamê Buroyê Huqûqî yê Seserrî Faîk Ozgur Erol.
