Sereka Komîteyê Pêroyî yê Neteweyanê Yewbîyayeyan (NY) Annalena Baerbock dîyar kerd ke raporî ke Heleb ra înan rê ameyê mojnenî ke kurdî hedef ameyê girewtene û bêçareyê koçberîye ameyê verdayene.
Reaksîyonê derheqê qirkerdişê çeteyanê HTŞ û SMO’yî yê vera kurdanê Helebî dewam kenê. Sereka Komîteyê Pêroyî ya NY’yî Annalena Baerbock babete ser o qisey kerd û bale ant zordarîya hemverê şarê taxanê Şêxmeqsûd û Eşrefîye yê Helebî ser o. Baerbock vat ke raporî derheqê hedîseyan de resayê destê înan û wina vat: “Raporê hêriş û koçberîya girseyî ya encamê hêrişanê Heleb û derûdorê aye de resayê destê ma.” Baerbock eşkera kerd ke raporî zaf bi zelalî mojnenê le zaf zelal p ke kurdê Helebî rastê hêrişan ameyê û encamê hêrişan de şar bêçareyê koçberîye ameyo verdayene.
‘Ganî kurdî bêrê pawitene’
Baerbock vat ke ganî jer rewşe de şarê kurdî bêro pawitene û vat: “Heqê merdiman mabênê kurd, xirîstîyan yan zî misilmanan de ferq û cîyayî nedekeno. Ganî berpirsîyaran ra hesab bêro persayene. Raporî mojnenê ke kurdî hedef ameyê girewtene. Lazim o ke şarê kurd bêro pawitene û heme hetî bilez agêrê muzakere.”
