Nêweşîya Duchenne Muskuler Dîstrofî tewro zaf mabênê nêweşîya edaleyî (kas) de yeno dîyayiş. Na nêweşî xususî gedeyê lajekanî de vejîyeno
Laş de fonksîyonê edaleyî de tewro muhîm proteîn o, demo ke proteîn kem bibo, no demî edale zayif benê û cayê dokuya edaleyî zî dokuya riwenî gêno.
Pêroyî mabênê domanê 2 û 5 serre de yeno tesbîtkerdiş, tay domanê nêweşîya DMD’î bigê, akranê xo ra hîna bi zeyîf benê û hedî meşîyenî, zaf erdî ra kewenê. Semptonê nêweşîye betlaneya bi lez, erdî ra variştiş, vejyayişê veracorî û vejyayişê derenceye de xo nîşan dano. Eke malbatî demo ke bivînê çîpê edaleyî bimasî ganî domanê xo bibê doktorî.
Zeyifbîyayişê edaleyî
Nêweşîya DMD’î de xususî edaleyê kift û qinesteyî yê domanî de zeyîfbîyayiş destpê keno. Seba zeyifbîyayişî domanan demê meşî de meşkê xo ver vejenê û meşîyenî. Zeyifbîyayişê edaleyî yê lingî ser o bi mîyan erdê kewenê. Vejyayişê derence û erdî ra wardişî ra betilyenê. Hetta domanê ke na nêweşî bivejo, 9 û 11 serra xo de hunerê xo yê meşî vînî keno û mahkûmê sandalyeyê tekerlekî beno. No konaxî ra pey edaleyê polî zeyif beno û doman nêeşkeno polanê xo bişuxulno.
Demê vînîkerdişê hunerê xo yê meşî, doman de problemê xirabbîyayişê mobike û kifteyî yanî skolyoz destpê keno.
Hetê zeyifbîyayişê edaleyê pol, ling û laşî de edaleyê cifî zî benê zeyif û no ser domanê de nêweşîya enfeksîyonê qesebaya sipî vejîyenê. Çi heyfo ke edaleyê qalbî zî zeyif benê û averşîyayişê na nêweşîye ser o kêmzêde 20 serra de rehmet kenê yanî cuya xo dest danê.
Tedavîya fîzyoterapî û steroîdî
Çi heyfo ke roja ma de dermanê na nêweşîye çîn o la bi tedavîyê fîzyoterapî, cîhazkerdiş û steroîdî rayîrşîyayişê domanan hîna bi derg beno. Kalîteya cuya înan zêdîyena.
Eke tedavî lez destpê bikero, edaleyê domanî qewetir benê û no ser lingan ser vindertişê domanî hîna bi aver şono. Dinya de ameyo musayiş ke aktîvîteyê streodî (kortîzon) qewetê edaleyî bi hêz kenê la zaf şuxulnayişê streoîdî zirarê dano, no ser bi dîqet bêro şuxulnayiş. Ra ra şuxulnayişê kortîzonî ser domanan zaf werd wenê û kîlo gênê. No ser ganî dîyetê xo ra dîqet bikerê.
Tuwaletê alafrangayî
Hewna tedavî de cayê asnawkerdişî cayêko muhîm gêno. Çimkî kerdişê hareketan mîyanê awe de hîna bi rehet o. Averşîyayişê nêweşîye de ganî keye de werte ra xelî, kîlîm û kelmelê bi zirar bêrê hewanayiş. Keye û ya zî wendegeh de pol wa qeta zemînî de bibo. Domanan eke tuwaletê alafrangayî bişuxulnê seba înan hîna reheto.
