Dermanî Nêweşxaneyê Şarî yê Hesekê de kêm bîyê û nê semedî ra kesê ke nêweşîyê talasemya û gurçikan înan de est a, nêeşkenê tedawî bibê.
Nêweşxaneyê Şarî yê Hesekê yê Kantonê Cizîrî de dermanî xeylê kêmî bîyê. Ê goreyê îmkananê xo nêweşan pêşwazî kenê û înan tedawî kenê.
Îdarekarê Nêweşxaneyê Şarî yê Hesekê doktor Salar Ebulwehab Ebdullah ANHA’yî rê qisey kerd û agahî da ke dermanî semedê nêweşiyê talasemya, kanser û şitişê gurçikan xeylê kêmî bîyê û ê xeylê zehmetîyan ancenê. Sewbîna îfade kerd ke rîyê ablûqa û hêrişan ê nêeşkenê nê dermanan peyda bikerê û wina dewam kerd: “Lazimtîya ma bi derzînanê cerahî, dermananê gonî est a. Semedo ke nêweşxane xebatanê xo bidomno û nêweşan pêşwazî bikero, lazimtîya ma bi dermanan est a.”
