Taxanê Amed, Sêrt, Êlih, Îstanbul, Bedlîs û Mûşî de adirê Newroze ame tavistene û azadîya Apoyî ameye waştene.
Taxa Ben û Senî ya qezaya Yenîşehîrî ya Amedî de cinî û ciwanî seba şayîya Newroze ameyî têhet. Şayîye de sloganê “Bijî Serok Apo” û “Jin, Jiyan, Azadî” ameyî vatene. Bi erbaneyan û govendan adirê Newroze ame tavistene. Meclîsê Ciwanan ê DEM Partî zî taxa Seyrantepe de adirê Newroze tavist .
Taxa Kooperatîfî ya Sêrtî de zî bi hezaran kesî tewrê şayîya Newroze bîyî. Girseyî dormeyê adirê Newroze de bi sloganan govende girewte.
Qezaya Baglarî ya êlihî de Komîteya Amadekarîye ya Newroze adir tavist .
Taxa Pira Siloxa ya Mûşî de TJA bi meşaleyan adirê Newroze vist ta. Şayîye de sloganê sey Bijî Serok Apo” û “Jin, jiyan, azadî” ameyî vatene û bale ameye antene vengdayîşê Apoyî ser. Wekîla DEM Partî Sumeyye Boz veng da her kesî da ke 19ê adare de beşdarê şayîya Newroze bibo.
Qezaya Tetwanî ya Bedlîsî de serkêşîya TJA de bi meşaleyan rayraşîyayîş ame kerdene û dima adirê Newroze ame tavistene.
Qezaya Sultanbeylî ya Îstanbulî de taxa Hamîdîye de adirê Newroze ame tavistene. Ciwanan xeylê eleqa mojna şayîye. Girseyî adirî ser xo eşt we û govende girewte.
