Nuştoxa îranije Rezîta Recaî çarçewaya cipersayîşê de ke hetê dozgerîya Reştî ra ameya destpêkerdiş, ameya destbendkerdiş. Rixmo ke keyeyê aye pereyê kefaletî dayo zî, a ameya girewtiş.
Nuştoxe Rezîta Recaî ke şaristanê Reştî yê Îranî de ciwîyena, 19ê temmuze de dimayê ke hetê Şubeyê Dozgerîya Reştî ya 4. ra venga ci dayo, uca de ameya destbendkerdiş û sewqê hepisxaneyê Lakanî yê Reştî ameye kerdiş.
Goreyê Platformê Heqê Cinîyan, venga Rezîta Recaî dayê ke bêra dozgerî û derheqê sûcanê aye de aye agahdar bikerê. Dozger Alî Riza Bahşîpur ke cipersayîş dayo destpêkerdiş û dimayê sûcdarkerdişî qerarê kefaletê 500 milyon tumen dayo. Labelê rixmo ke keyeyê aye eynî roje de pereyê kefaletî da zî, dadgehe nê çî qebûl nêkerd.
Dozgerî dimayê di rojan agahî daye keye û dîyar kerd ke heta şubeyê dadgehe dem dîyar nêkero do Rezîta Recaî tepişte bimana û kefalet zî demê cipersayîşî de qebûl nêkenê.
