Waştişê Rusya ser , Konseya Ewleyî ya Neteweyanê Yewbîyayeyan ewro bi babeta munaqeşekerdişê şerê Îranî kombîyayîşêkê çapemenî rê girewte virazena.
Goreyê Ajansê Xeberanê TASS ê Rusya, verfekê temsîlkarê Rusya yê Neteweyanê Yewbîyayeyan (NY) Yevgen Uspensky eşkera kerd ke Rusya semedê hêrişanê ke dewam kenê yê vera binawanîya sivîl ê Îranî, sazgehê perwerde û weşîye, waştişê kombîyayîşê çapemenî rê girewte Konseya Ewleyî rê kerdo.
No waştiş wextî de ke derheqê şerî de mabênê endamanê konseye de cîyayî virazîyaya, ameyo kerdene. Tay endamê konseye vengdayîşê adirbest û agêrayîşê masaya dîyalogî kenê, la tayê bînî zî Îsraîl û Amerîka heqdar vînenê ke cewabê Îranî bidê.
Derheqê rewşe de ke est a, şerê mabênê Îran û Îsraîlî de dewam keno, her di hetî bi hêzanê hewayî bi dron û fuzeyan hêrişê yewbinan kenê. Şer herêmanê bînan ê kendawe zî girewto mîyanê xo.
Heto bîn ra Neqebê Hurmuzî dahîna girewte yo. Goreyê Ajansê Xeberan ê Farsî yê Îranî zafêrê 350 tankêrê petrol û gazî Kendawa Umanî de vinderte yê û paweyê derbasbîyayîş ê.
