Temsîlkar û rayberanê DFG, MKG û Dîsk-Basin-Îş û xeylê rojnamegeran, Rojnameger Kadrî Kaya serrgêra ey a 7. de mezelê ey ser o, o yad kerd. Temsîlkarê Basin-Îş’î Hakki Boltanî îfade kerd ke Kadrî Kaya mamoste û rûmetê înan o.
Temsîlkar û rayberanê DFG, MKG û Dîsk-Basin-Îş û xeylê rojnamegeran, Rojnameger serrgêra wefatê Kadrî Kaya ya 7. de mezelê ey ser o, o yad kerd û înan o bi rêzdarî ard xo vîr. Kadrî Kaya 29ê teşrîna verêne ya 2018î de Nêweşxaneyê Unîversîteya Ege ya Îzmîrî de ameyê dermankerdene, cuya xo vîndî kerde. Serrgêra ey de embaz û hemmeslekê ey ê rojnameger, endamê keyeyê ey mezela ey a Goristanê Yenîkoyî de kom bîyê û o yad kerd. Vîrardiş bi deqîqeyêk girewtişê rêze reyde dest pêkerd. Rêzegirewtişî ra pey Hemserekê YEW-KURD û rojnameger Hakki Boltanî, Kadrî Kaya bi rêzdarî silam kerd û vat: “Mamoste Kadrî seba ma tena rojnamegerêk nêbi. O pêşengê rojnamegerî bi, ma minetdar ê. Ma xeberanê xo de, cuya xo de, heme çî de herindanê ey vînenê.”
Dima Edîtora Ajansê Mezopotamya rojnameger Dîcle Muftuoglu zî bale ant cuya Kadrî Kaya û vat: “Mamoste Kadrî seba heme kesan mamoste bi. O hem mamosteyê rojnamegerî û hem zî bi vindertişê xo mamosteyê cuye bi. O hemray û hem jî mamosteyê heqîqetî bi. Ma soz danê ke ma do her tim rêça mamoste Kadrî ra rayra şêrê û têkoşîn bidê.”
Qiseykerdişan ra pey embazê ey ê rojnamegerî qurnefîl û vilikî mezela ey ser o ronayê. Vîrardiş ronayîşê vilikan ra pey qedîya.
