Rayberê Şarê Kurd Abdullah Ocalan wekîlanê DEM Partî ra waşt ke ziwano ke goreyê hesasîyetê prosesî yo bişuxilnê û şarî rê qalê haştîye bikerê.
Wekîlê DEM Partî vengdayîşê Rayber Apoyî yê 27ê sibate ra nata kombîyayîşan kenê. DEM Partî da zanayene ke Rayberê Şarê Kurd Abdullah Ocalanî wekîlanê partîye rê zî mesajêk erşawito.
Goreyê xebera Haberturkî mesajê Rayberê Şarê Kurd Abdullah Ocalanî kombîyayîşan de ameyo wendene.
Mesaj de Rayberê Şarê Kurd Abdullah Ocalanî wekîlan rê vat: ‘’Haştîye ser o qiseyî virazê, wayîrê haştîye vejîyê û şarî rê qalê haştîye bikerê. Şarî rê vajê ke 40 serrî verî nameyê kurdan çin bi la ewro şaredarîyê înan est ê. Qalê prosesî bikerê, qalê haştîye şarî rê bikerê.’’
