Rayedarê Merkezê Pêroyî yê OHD’î çarçiweya “Heqê hêvîye” beyanat da û beyanat ama vatene ke polîtîkayê tecrîdî verê xebatê aştîye gênê, seba rol û mîsyonê muzakareyan baş aver şîro, ganî azadîya Birêz Ocalan bêro caardene ke na pêvajo de wa aktorêko sereke bibo.
Rayedarê Merkezê Pêroyî yê OHD’î çarçiweya “Heqê hêvîye” banê xo yê Amedî de beyanat da. Verê beyanatî Hemserekê OHD’î Fevzî Çakmak qise kerd û va ke ê seba zemînê xebatê yê huquqî rê hadre yê.
Beyanatê OHD’î Rayedara Merkezê Pêroyî OHD’î Şevîn Kaya wend.
Beyanat wina yo:
“Seba sîyaseto demokratîk û aştî rê, tecrîd wa peynî bibo û lazimeyê huquqî wa bêrê da ardinî. 27ê Sibate de aşkeraya Birêz Ocalanî, zemînê sîyaseto demokratîke awan kerd. Birêz Ocalan aşkeraya xo de va ke fesîhkerdişê PKK’î ser o zemînê huquqî şert o, no tesbîtê Birêz Ocalanî seba ameyoxê şaran rê vengdayîşêko tarîxî yo. Çarçiweya na pêvajo de gamêka tewro bi lez, Îmrali de pergalê tecrîdî bêro çinkerdene. Seba aştîya mayin de şerto ke peynîya polîtîkayê tecrîdî bêrê, seba ke Birêz Ocalan rolê xo kay bikero, şert û mercê ci bêrê dîzaynkerdişî. 10 serrê verê ci heqê Birêz Ocalanî de AÎHM qerarêk dabî, ganî bi lezûberz lazimeya nê qerarî bêro caardene.
Ser Birêz Ocalan bikarardişê tecrîdî tena îxlalê heqêkî nîyo, verê ameyoxê komelo demokratîk de zî astengêk o. Polîtîkayê tecrîdî verê xebatê aştîye gênê, seba rol û mîsyonê muzakareyan baş aver şîro, no ser ganî azadîya Birêz Ocalan bêro caardene ke na pêvajo de wa aktorêko sereke bibo.
Ma sey OHD’î seba înşakerdişê aştîye, averberdişê demokrasî vanê ke wa pergalê tecrîdî yê Îmraliyî wa werte ra bihawanîyo, wa seba heqê hêvîye ser o zî ma wazenê bi lezûberz zemînê qanûnî bêrê hadrekerdene. Ma heme raya pêroyî yê Tirkîya rê veng danê ke wa nê vengdayîşê ma rê goş bidê.”
