Şûbeyê OHD’î yê îstanbulî Kongreyâ xo yê adetî yê 4. viraşte û rayberîya newî ame weçînayene. Şûbeyê OHD’î kongreya xo dîyarî xoverdayîşê Rojavayê Kurdîstanî kerd.
Şûbeyê Komeleya Hiqûqnasan Seba Azadî (OHD) yê Îstanbulî bi sloganê “Bi huqûqo demokratîk ver bi komelo azad” Kongreya xo ya Adetî yê 4. Merkezê Kulturî yê Cem Karaca yê qezaya Bakirkoy de viraşt. Parlementera DEM Partî yê Îstanbulî Çîçek Otlu, Hemverfekê HDK’yî Alî Kenanoglu, Hemserekê DEM Partî yê Îstanbulî, Hemserekê Pêroyî yê OHD’î Serhat Çakmak, sazgehê huqûqî, temsîlkarê sazgehane komelî û xeylê avukatî tewrê kongre bîyê. Eywana kongre de pankartê “Jin Jiyan Azadî”, Bi huqûqo demokratîk ver bi komelo azad” û fotrafê Tahîr Elçî ame aleqnayene.
Kongre de badê qiseykerdişan, desteya Rayberîya OHD’î ame weçînayîşî. Ame zanayene ke rojanê aver de do hemserekê OHD’î bêrê weçînayene.
