Wekîlê DEM Partî Sirri Sureyya Onderî derheqê pêvînayîşê bi Apoyî de vat: ”Ez goreyê pêvînayîşanê verênan hîna hêvîdar a. Serra newîye de ma do eşkerayîyêka hîra bidê.”
Wekîlê DEM Partî û Serekwekîlê Meclîsî Sirri Sureyya Ondero ke mîyanê heyetê pêvînayîşê Apoyî de bi, qisey kerd.
Onderî bale ante ser ke seba ke proses hesas o, ê bi hawayêko bidetay derheqê pêvînayîşî de agahîyan nêdanê çapemenîye.
Onderî vat: ”Heta ke proses bireso kemalîyêka qîme, ma do agahîye nêdê çapemenîye. No nêno a mana ke ma çîyêkî nimnenê. Seba ke ma hûrmetê prosesî kenê wina têgêrenê.
La eke ganî ma çîyêkî bîyarê ziwanî ez eşkena naye vaja ke ez goreyê pêvînayîşanê verênan hîna hêvîdar a. Dewr dewrê wayûbiratîye û aştî yo. Serra newîye de ma do sey heyetî eşkerayîyêka hîra bidê.”
