Serekê CHP’yî yo Pêroyî Ozgur Ozelî ke reaksîyon nîşan da destbendkerdişê Ekrem Îmamogluyî, va: “Eke ma nê darbeyî peyser nêerzê, êdî sindoqe çin a. Hêzo bingeyin şar o û peynîya peynî de şar do bi ser bikewo. Ma teslîm nêbenê.”
Serekê CHP’yî yo Pêroyî Ozgur Ozelî, derheqê destbendkerdişê Şaredarê Îstanbulî yê Şaristanê Girdî (ÎBB) Ekrem Îmamogluyî de hesabê xo yê medyaya dîjîtale ra beyanat da û wina va: “Ma gor de zî bibê, wa herkes 23ê Adare bêro serê sindoqe. Eke ma nê darbeyî peyser nêerzê, êdî sindoqe çin a.”
