Parlamenterê DEM Partî Vezîr Parlakî destbendkerdişê muxabirê ajansê ma Nedîm Orûçî Wezaretê Edaletî rê pers kerd.
Muxabirê ajansê ma Nedîm Orûç 14e çele de qezaya Cizirî ya Şirnexî de demo ke çalakîya vera hêrişanê Rojav taqîb kerdêne, hetê polîsan ra bi derbkerdişî ame destbendkerdene. Destbendkerdişê Nedîm Orûçî ame dergkerdene û hema zî Mudirîyetê Polîsan ê Şirnexî de yeno girewtene. Nerazîbîyayîşê vera destbendkerdişê muxabirê ma dewam kenê.
Parlamenterê Partîya Têduştî û Demokrasî ya Şaran (DEM Partî) Vezîr Parlakî destbendkerdişê muxabirê ajansê ma Wezaretê Edaletî rê pers kerd.
Vezîr Parlakî seba ke Wezaretê Edaletî cewab bido 3 persî kerdê. Nê persî wina yê:
* Nedîm Orûç ke seba ke xebere taqîb bikero uca de bi, bi çi baxaneyî ame destbendkerdene? Baxane çi yo?
* Derheqê polîsanî ke Nedîm Oruçî bi derbkerdişî destbend kerdê. Tu cipersayîş ame destpêkerdene yan nê? Eke amebo destpêkerdene, nika çi rewşe de yo? Eke nêamebo destpêkerdene çira nêameyo destpêkerdene?
* Nê 5 serranê peyênan de çend rojnamegerî karê x ser o ameyê destbendkerdene, hûmara înan çi ya? Rojnamegeranî ke ameyê destbendkerdene, çen kes3i ameyê girewtene?
