Parlamenterê Iraqî Muxtar Musewî waşt hêzê dewleta tirke herra Herêma Kurdîstanî ra vejîya û vat: “A ke Tirkîya kena, îşxalkerî ya û nêyea qebulkerdene.”
Parlamenterê Iraqî Muxtar Musewî derheqê estbîyayîşê hêzanê dewleta tirke yê zereyê herra Iraq û Herêma Kurdîstanî ajanê Rojnewsî rê qisey kerd. Parlamenter Muxtar da zanayene ke dewleta tirke hegemonîya xo ya herêmanê Başûrê Kurdîstanî hîra kerda û na zî ewleyê û aramîya Iraqî ser o tehdîdêko cidî yo. Muxtar Musewî da zanayene ke vera Tirkîya lazimtî bi vindertişêko niştîmanî est o û waşt ke Hukmatê Iraqî derheqê na babete de helwestê xo dîyar bikero. Parlamenterê Iraqî Muxtar Musewî qiseykerdişê xo de dîyar kerd ke Tirkîya bi serekîya Erdoganî hemverê Iraqî wayîrê plansazîyanê xiraban a. Hukmatê Herêma Kurdîstanî zî sey berpirsîyarê hedîseyî ke herême de xo mojnenê pênase kerd û vat: “Ganî hêzê dewleta tirke yê îşxalkerî herême ra vejîyê.”
