Dokumenterê ‘Rojava-Mabênê Demokrasî û Şerî de’ Parlamentoyê Îngilîstanî de ame mojnayene. Dokumenter qalê modelê Îdareyê Xoserî yê Rojawanî û têkoşînê azadîye yê şarê kurdî keno.
Salona Boothroyî ya Parlamentoyê Îngilîstanî de Dokumenterê ‘Rojava-Mabênê Demokrasî û Şerî de’ Parlamentoyê Îngilîstanî de ame mojnayene. Dokumenter qalê modelê Îdareyê Xoserî yê Rojawanî û têkoşînê azadîye yê şarê kurdî yê vera DAIŞ’î keno.
Aktîvîte serkêşîye Temsîlkarîya MSD’yî û Centre for Kurdish Progress û MailOnline de ameye kerdene.
Muxabîrê MailOnline David Averre û Dîrektorê Dîmenan Charlie Cravenî dokumeter amade kerd. Dokumenter de cadîyeno roportajanê bi Vervatoxa TPJ’yî Rûksene Mihemed û Vervatoxê YPG’yî Sîyamed Elîyî.
Mojnayîşê dokumenterî ra dima xoşebere ameye kerdene. Xoşebere de qalê Vengdayîşê Haştîye û Komelê Demokratîkî yê Rayberê Şarê Kurdî Abdullah Ocalan û Kongreya 12ine ya PKK’yî zî ame kerdene. Temsîlkarê MSD’yî yê Îngilîstanî Dr. Mihemed Mustafayî xoşebere de ard ziwan ke Îdareyê Xoserî seba caardişê heqanê kurdan ê Qanûnê Bingeyî heyetî awan kerdê.
Aktîvîte de babîyê şerwana brîtanyayîje ya şehîde Anna Campbell zî amade bi. Babî Dirk Campbellî derheqê kar û kampanyayanê serê şehadetê kênaya xo de agahîyî dayî.
