Terzî Azîz Hesen yo şaristonokê Dêrelokî yê girêdayî nahîyaya Amêdîye de yo, va ke nêzîkê 20 serrî yo ke o kincê kurdan deşteno û vano: “Na dewe de kal û xortî piranî kincê kurdan xora kenê.”
Dukanê Azîzî de zêdeyî 50 tewirê qumaşî est ê û deştişê kincê kurdan feydeyê ci keno. Şarê kurd wayîrê yew kulturê zengînî yo û heta nika kî pawito. Kincê kurdan yew zî înan ra yo ke goreyê her dewe yê Kurdistanî reng û şêwazê kincan zî deşteno.
Dewa Behdînan-Dihokî zî wayîrê şêwazê xo yê taybetî yê kincan a û heta nika zî no kultur yeno pawitiş û ci ra giranî dîyena. Na çarçewe de terzî Azîz Hesen yo şaristanokê Dêrelokî de yo, derheqê şêwazê kincê Kurdan û giranîya pawitişê înan de qisey kerd.
Azîz Hesen şarê dewa Reşawa yê girêdayî şaristanokê Dêrelokî yê ser bi nahîyaya Amêdîya yê girêdayî herêma Dihokî yo. Karê ey deştişê kincê kurdan o. Derheqê xebata xo û pawitişê kulturê kurdan de va: “Nêzdîyê 20 serrî yo ke ez kincê kurdan deştena. Nika egzersîzê vurîyîyayîş şêwazê deştişê kincê kurdan de ameyo kerdiş. Ferqêko zêde mîyanê kincê kurdan ê nika û verê de est o, her dewe de vurîyîyayîş serê deştişê kincan de ameyo.”
Azîz Hesen dewamê qiseykerdişê xo de va: “Raşta ke temamê Kurdistanî de cê ra vanê kincê kurdan, la her dewe yew şêwazê cîya de kincê xo virazenê. Pêroyîya înan zî şêwazê Soranî, Behdînî, Qemîsî û egzersîz zî vanê şal û şepik. Gelek şêwazê bînî kî est ê, mîyanê nê şêwazan de pêroyîya dewa ma ci ra vanê Behdînî, şarê na herême pêroyîya nê şêwazê kincan wazeno.”
Terzî Azîz Hesen diyar kerd ke şêwazê kincê Behdînî tarîxê ci kohne yo û vurîyîyayîş kî serê ci de ameyo. Azîzî va: “Hîkmetê dizaynî de vurîyîyayîşî virazîyayê, sey sermil û berîk. Şêwazêko bîn kî est o ci ra vanê kince Hewramî û ê kî kincê Kurdan ê. La şêwazê înan, hetê bedenê înan temamê ci qumçenî, tay zî bê açikî yê. Şêwazê soranî kî est o pêroyîya Hewlêr û Silêmanî xora kenê. Şêwazêko bîn zî ci ra vanê; şal û şapik, labelê 20 serrî yo ke ez nê karî kenen min şal û şapik deştenî.”
Derheqê cûrê qumaşan de kî Azîz Hesenî va: “Gelek reng û şêwazê cîya est ê. Hin qumaşî malê Îran, Tirkîye, Hindî, Endonezya, Çîn û Keşmîrî zî est ê. Her kargehê nê rengê xo yê taybetî est o. Dukanê mi de nêzîkê 50-60 rengê cîya est ê.”
Peyê de Azîz Hesenî wina qedîna: “Pêroyîya şarî qumaşê cûrê Çînî feydeyê ci keno, seba ke rengê ci nêvurîyeno. Xortî pêroyîya kincê kurdan qumaşê Îtalî feydeyê cê kenê ke o kî cûrê qumaşêko gelek baş o û rengê cê nêvurîyeno. Weçînayîşê rengê kincan zî mîyanê xortan û kalan de ferq o. Kesê ke pîl ê pêroyîya keyfê înan rengê xakî û stûr ra yeno. La xortî pêroyîya keyfê înan renge nîlî û qehweyî ra yeno û qumaşê cê zî teng o.”
