Hemsereka Heyetê Kurdî Perwîn Yûsif dîyar kerd ke heyêtê ENKS’yî bê agahîya Heyetê Kurdî şî Şam û eşkera kerd ke helwesto yewhet zerar dano yewrêzîya kurdî.
Hemsereka Heyetê Kurdî Perwîn Yûsif derheqê zîyaretê heyetê ENKS’yî seba Şamî de qisey kerd û ard ziwan ke Heyetê Kurdî netîceyê Konferansê Yewrêzî û Yewhelwestê Kurdî yê Rojavayê Kurdîstanî de amebî awankerdene derheqê nê zîyaretî de nêameye agahdarkerdene. Perwîn Yûsif dîyar kerd ke heyetê ENKS’yî bê hayîya heyetê kurdî şîyê Şam û na game sey “Helwestêko negatîf ke tesîrê yewrêzî û yewhelwestîyê kurdî” erjna.
Hurmet nê mojnenê pêro bîyayene
Perwîn Yûsif vernîya roja ke heyetê ENKS’yî şoro Şam, Heyetê Kurdî bi Kongreya Neteweyî yê Kurdîstanî (KNK) reyde kom bî na agahî pare kerdê. “Kombiyayîş de babetê derheqê yewrêzî û yewhelwestê Kurdî de ame munaqeşekerdene. La ENKS’yî agahî serê nîyetê xo yê şîyayîşê Şamî pare nêkerd. Qerar amebî girewtene roja bînê karêko hempar bi ameyene kerdene, la ma mat bîyene mendê ke heyetê ENKS’yî şî hewlêr dima şîyê Şam.”
‘Zîyaret wextê hêrişan de virazîya’
Perwîn Yûsif dîyar kerd ke şîyayîşê heyetê ENKS’yî yê Şamî wextêko hesas de Rojava tira viyartêne pêameyîş virazîya û vatena xo dewam kerd: “No zîyaret wextêko hêrişî zêdebî virazîya. Wextêke şarê kurdî çar hetanê Kurdîstanî û dîaspora de paştîdayena sîyasî û manewî dayene Rojava virazîya.”
Perwîn Yûsîf dewamê qiseyê xo de îşaret kerd ke helwestê şarê Başûr, Vakûr, Rojhelat, Ewropa û cayanê bînan yê dinya de bî çimeyê hêz û sereberzî seba dewaya kurdan û vurnayîş warê sîyasî de virazênê. Sewbîna zî vat ke Heyetê Kurdî bi pêameyişê waştena şarê kurdî, sere de pêro kurdî de eleqedar ê.
Perwîn Yûsif ard ziwan ke no helwest tesîrêko negatîf serê yewrêzîya şarê kurdî keno û keweno xizmetê lebatê perçekerdena yewrêzîya kurdî. Perwîn Yûsif vist vîrî ke Rayberîya Xosere û Fermandarê Pêroyî yê HSD’î Mazlûm Ebdî destpêkê dîyalogê Kurdî-Kurdî de dîyar kerd ke dewaya girêdayê yewrêzîya kurdî ganî çarçeweya Heyetê Kurdî de bêrê munaqeşekerdene û da zanayene ke înan bi rayîrê medya hayîya şîyayîşî Heyetê ENKS’yî yê Şamî eşnawit.
