Pêvînayîşê Hemserekanê Pêroyî yê DEM Partî Tulay Hatîmogullari û Tuncer Bakirahanî yê Serekê Pêroyî yê CHP’yî Ozgur Ozelî reyde dest pêkerd.
Pêvînayîşê mabênê Hemserekanê Pêroyî yê Partîya Têduştî û Demokrasîyî ya Şaran (DEM Partî) û Serekê Pêroyî yê Partîya Şarî ya Komare (CHP) Ozgur Ozelî de dest pêkerd.
Serekwekîlê Grûba DEM Partî Gulîstan Kiliç Koçyîgît û Sezaî Temellî zî heyetî de ca girewt. Heyetê DEM Partî Merkezê Pêroyî yê CHP’yî de hetê Sekretera Pêroyî ya CHP’yî Selîn Sayin Boke, Cagira Serekê Pêroyî Meryem Gul Çîftçî û Serekwekîlê Grûba CHP’yî Murat Emîr ra ame pêşwazîkerdene.
Silamdayîşî ra pey heyetê DEM Partî û CHP’yî vîyartê salona kombîyayîşî. Ozel heyetê DEM Partî verê berî salone de pêşwazî kerd. Antişê fotograf û vîdeoyan ra pey heyet vîyart salone. Pêvînayîş çapemenî ra girewte ame kerdene.
Nêame dîyarkerdene ke do pêvînayîşî ra pey eşkerayî bêra dayene yan nê.
