Heyetê DEM Partî yê Îmraliyî Başûrê Kurdîstanî de serekê Yekitîya Niştimanî yê Kurdistanî (YNK) Bafil Talabanî reyde ame têhet.
Heyetê DEM Partî yê Îmraliyî ke di reyî Rayberê PKK’yî Abdullah Ocalanî de pêvînayîş kerd seba ke mesajanê Abdullah Ocalanî pare bikerê Başûrê Kurdîstanî de pêvînayîşanê xo dewam keno.
Heyetê Îmraliye çerçeweya nî pêvinayîşan de ewro zî Serekê YNK’yî Bafil Talabanî û Alîkarê serekwezîrê Herema Kurdistanî Kubat Talabanî ra bajarê Silêmanî de ameyî têhet.
Endamê Heyetê Îmraliyî Pervîn Buldan û Sirri Sureyya Onder, Hemserekê DBP’yî yê Pêroyî Keskîn Bayindir, Buroyê Huqûqî yê Asrinî ra Ozgur Erol û Îbrahîm Bîlmez, Hemvervatoxê Komîsyonê DEM Partî yê Têkîlîyanê Teberî Berdan Ozturk, parlamenter Gulcan Kaçmaz Sayyigit û Mehmet Kamaç tewrê pêvînayîşanê Başûrê Kurdîstanî bîyî.
Heyetî 16ê sibate de pêvînayîşê xo yo verêne Serekê PDK’yî Mesûd Barzanî reyde kerdbi. Heyetî silamê Abdullah Ocalanî û mesajê ci yê derheqê prosesî Barzanî reyde pare kerdbî. Badê pêvînayîşî Ofîsê Çapemenîye yê Barzanî eşkerayîya xo de vatbi Barzanî do paştî bido prosesê neweyî.
